Bu kitāb inmegi ḥikmetler issi ‘azīz Tañrıdandur.
Biz yaratmaduḳ gökleri ve yirleri, daḫı ikisi arasında olanları, illā ḥaḳḳ‐ıla.Daḫı mu‘ayyen müddet‐ile ve kāfirler özlerine olan ögütden, ya‘nīḳıyāmetden yüz ḳaytarurlar.
Eyit: Görür misiz ṭapduġuñuz Tañrıdan özge, gösterüñüz baña ne nesneyaratdılar yirden, yā var mı anlara şerīklik göklerde? Baña bir kitāb getü‐rüñüz, bu kitābdan burun gelmiş ola, yā bir eẟer ‘ilmden getürüñüz, eger gir‐çek iseñüz.
Daḫı kim azġunraḳdur ol kimseden ki ṭapar Tañrı Ta‘ālādan özgeye? İcābetitmez anuñ du‘āsına ḳıyāmet günine degin. Daḫı ol ma‘būdlar anlaruñṭapmaġından ġāfillerdür.
Daḫı ḳaçan ḥaşr olıcaḳ ādemīler ḳıyāmetde, anlara düşman olurlar ve anla‐ruñ ‘ibādetine inkār iderler.
Ḳaçan oḳunsa anlar üstine bizüm āyetlerümüz beyān eyleyici, eydürler kāfir‐ler ḥaḳḳa özlerine geldügi vaḳt: Bu ulu siḥrdür, dirler.
Yā eydürler mi ki iftirā idüp yalan söyledi? Eyit: Ben iftirā itdüm‐iseelüñüzden gelmeye beni Tañrı ‘aẕābından ḳurtarmaġa. Ol bilicidür siz ifāżaitgeni. Anda anuñ ṭanuḳluġı yiter benümle sizüñ ortañuzda. Ol ‘afv idi‐cidür, raḥmet idicidür.
Eyit yā Muḥammed: Ben resūller bedī‘i degül‐men. Daḫı bilmez‐men bañane iş [...] velā size daḫı [...] Ben uymazın, illā baña vaḥy olunan[a].Ben degül‐ven, illā beyān idici peyġamber.
Eyit: Görür misiz, eger bu Tañrı Ta‘ālā ḳatında olsa ve aña kāfir olsañuz veaña bir ṭanuḳ ṭanuḳluḳ virse Benī İsrā’īlden anuñ gibi üstine, pes īmān ge‐türdi ve siz büyüklendüñüz. Tañrı Ta‘ālā hidāyet virmez ẓālım ḳavmlere.
Daḫı eyitdi kāfirler mü’minlere: Eger ḫayr olsa‐y‐ıdı aña, bizden ilerü var‐mazlardı. Anuñla hidāyet bulmadılar. Eydürler ki bu eski yalanlardur, dir‐ler.
Bu kitābdan burun Mūsā kitābı imāmdur ve raḥmetdür. Bu kitāb girçekle‐yicidür ‘Arab dili üstine ḳorḳutmaġ‐ıçun ẓālimleri. Daḫı beşāret virmeg‐içünmuḥsinlere.
Ol kişiler ki [...] Tañ[rımuz] Allāhdur, andan doġrudur, didiler. Ḳorḳuyoḳdur anlar üstine. Anlar ḳayurmazlar daḫı. |
Anlar cennet ehlidür, ebedī ḳalurlar anda. Cezāsıdur anlaruñ ‘amellerinüñ.
Daḫı vaṣiyyet itdük ādem oġlına, atasına, anasına yaḫşılıḳ itmegi. Anası gö‐türdi özi zaḥmet‐ile ve doġurdı zaḥmet‐ile. Anuñ yüklenmegi ve süddenkesmegi otuz aydur. Ḳaçan ki bāliġ olsa ve ‘ömri ḳırḳ yıla yitişse eydür ki: Yā Rabb, ilhām ider baña şükr itmegi, senüñ ni‘metlerüñe, baña virdüñ veatama daḫı virdüñ. Daḫı ‘amel‐i ṣāliḥ işleyem ki sen begenesin. Daḫı ıṣlāḥeyle benüm ẕürriyetümi. Ben saña döndüm. Daḫı ben Müselmānlardanın,dir.
Anlar ol kişilerdür ki Tañrı Ta‘ālā ḳabūl ider anlaruñ yaḫşı ‘amellerini veanlaruñ ṣuçlarından geçer. Cennet ehlleridür. Ol girçek va‘dedür ki va‘de olunurlardı.
Daḫı ol kimse ki eyitdi atasına, anasına: Tū yüzüñüze! Va‘de mi idersizbaña ki ben türbeden çıḳam, ikinci dirilem. Benden burun nice ümmetler geç‐di. Ol ikisi Tañrıdan meded isterler: Vay saña, īmān getür, dirler. TañrıTa‘ālā va‘desi girçekdür. Eydür: Bu degüldür, illā evvelki ümmetlerüñ yalan‐larından.
Anlar ol kişilerdür ki vācib oldı üstlerine ‘aẕāb gelmesi, niçe ümmetleriçinde ki geçdiler özlerinden öñdin cinden ve ādemīlerden. Anlar ḫasāretitdiler.
Daḫı her bir ṭāyifenüñ menzilleri vardur ‘amelleri sebebi‐y‐ile. Daḫı ‘amel‐leri cezāsın tamām virür anlara ve anlara ẓulm olunmaz.
Ol gün ki ‘arż olur kāfirler cehennem üstine. Eyidile anlara ki giderdüñüzyaḫşı ni‘metlerüñüzi dünyā dirliginde ve anuñla gönendüñüz. Pes bu güncezā görürsiz, ḫorluḳ ‘aẕābını, tekebbürlik sebebi ile yir yüzindeḥaḳsuz yire, daḫı fısḳuñuz sebebi ile.
Daḫı ẕikr eyle yā Muḥammed Ṣāliḥ peyġamberi. Ol vaḳt ki ögütledi ḳavmi‐ni Aḥḳāfda ki ḳum ṭaġlarıdur, daḫı geçdi‐y‐idi niçe peyġamberler ileyinden, daḫı ardından ki ṭapmañuz, illā Tañrıya. Ben ḳorḳarın sizüñ üstüñüze ulu gün ‘aẕābından.
Eyitdiler‐idi sen bize geldi mi‐sen bizi azdurmaġ‐ıçun Tañrılarumuzdan. Pes getür bize va‘de eylegeni, eger girçeklerden iseñ, didiler.
Eyitdi: ‘İlm Tañrı Ta‘ālā ḳatında. Daḫı ben size risāleti teblīġ ider‐men.Lākin ben sizi cāhil ḳavm görür‐men.
Ol vaḳt ki gördiler bir bulıt, gelür yirlerine ḳarşu. Eyitdiler: Bu bir bulıtdurki bize yaġmur yaġdurur. Bel ki ol siz tizletgen nesnedür. Bir yildür ki ulu‘aẕāb vardur.
Helāk ider her nesneyi Tañrısı buyruġı‐y‐la. Pes helāk oldılar. Gör‐mez ḳılduḳ, illā evlerini. Anuñ gibi cezā virürüz yaman ḳavmlere.
Daḫı anları yirlendürdük, ya‘nī virdük size virmedügümüz nesneleri. Daḫıanlara ḳulaḳlar yaratduḳ ve gözler daḫı ve yürekler daḫı. Pes aṣṣı itmedi anlaraḳulaḳları, ne daḫı gözleri, ne daḫı yürekleri, hīç nesne. Ol vaḳt ki inkār ider‐lerdi Tañrı Ta‘ālā āyetlerine, daḫı indi üstlerine cezāsı masḫaralıġa alduḳla‐rınuñ.
Taḥḳīḳ biz helāk itdük sizüñ çevreñüzde olan şehrler ḳavmlerini. Daḫıbeyān itdük āyetleri. Ola kim Tañrıya döneler.
Pes niçün ḳurtarmadı anları Tañrıdan özge ṭapduḳları ma‘būdlar? Bel kiḳurtarmadılar anları. Ol anlaruñ yalanıdur, daḫı iftirā itdükleridür.
Ẕikr eyle ol vaḳtı ki saña viribidük bir bölük cemā‘at cinnīlerden, Ḳur’ānıişitmeg‐içün, ol vaḳt ki aña ḥāżır oldılar. Biri birine eyitdi: Epsem oluñuz. Pesḳaçan ki dükendi ḳavmlerine döndiler ögüt virmeg‐içün.
Eyitdiler: İy ḳavmümüz, biz işitdük bir kitābı, inmiş Mūsādan ṣoñra. Gir‐çekleyicidür ileyinde olan kitābları. Hidāyet gösterür ḥaḳḳa, daḫı doġru yo‐la.
İy ḳavmümüz, icābet idüñ Tañrı yolına da‘vet iden kimseye. Daḫı añainanuñuz. Günāhlaruñuz baġışlar ve sizi ḳurtarur ulu ‘aẕābdan.
Kim ki icābet eylese Tañrıya da‘vet idene, ol ‘āciz eylemez yirlerde. Daḫıbulunmaya aña Tañrı ‘aẕābından ḳurtarıcı kimse. Anlar āşikāre azġun‐luḳdadur.
Görmezler mi Tañrı Ta‘ālā oldur kim yaratdı gökleri, yirleri daḫı?Ta‘ab çekmedi anları yaratmaḳda. Ol ḳādir degül midür ölüleri diriltmege?Evet, ol her nesneye ḳādirdür.
Ol gün ki ‘arż oluna kāfirler cehennem üstine. Eyidile: Bu ḥaḳ degülmidür? Anlar eyide: Evet, ḥaḳdur, Tañrımuz ḥaḳḳı‐çun. Eyide: Pes daduñuz‘aẕābı küfrüñüz sebebi‐y‐ile.
Pes ṣabr eyle yā Muḥammed. Nite kim ṣabr itdi himmet eyeleri nebīlerden.Daḫı anlara ‘aẕābı tizletme. Ṣanaṣın anları ol gün ki ‘aẕābı göreler, ḳalma‐mışlardur türbelerde, illā bir sā‘at gündüzden. Bu naṣīḥatdür. Helāk ol‐maz, illā fāsıḳ ḳavmler.