Ay ile güneş ḥisāb‐ıla gelür gider.
Otlar ve ulu budaḳlu aġaçlar daḫı secde iderler Tañrıya.
Gökleri daḫı yüceltdi ve ‘adli vaż‘ eyledi.
Ḥattā ki ḥadden geçmeyesiz mīzānda.
Daḫı durġuruñ dartmaġı ‘adl ile daḫı mīzānı eksiltmeñüz.
Yirleri daḫı yaratdı maḫlūḳāt‐ıçun.
Vardur anda çoḳ yemişler, daḫı ḫurmā aġaçları çeçeklü,
daḫı ḥubūblar, yapraḳlar, issi [reyḥānlar].
Pes ḳanḳı ni‘metlerini Tañrıñuzuñ yā ins‐ile cinnīler yalanlayup inkār idersiz?
Yaratdı ādemi Tañrı Ta‘ālā ...gini balçıḳdan
ve cinnīleri yaratdı od yalıñından.
Pes ḳanḳı ni‘metlerini Tañrıñuzuñ ins ve cin yalanlarsız?
İki maşrıḳ Tañrısıdur ve iki maġrib Tañrısıdur.
Ḳanḳı ni‘metlerini Tañrıñuzuñ yalanlarsız?
İki deñizi ḳarışdurdı biri birine doḳuşur.
İkisi arasında ḥicāb vardur, biri birine ḳarışmaġa ḳomaz.
Ḳanḳı ni‘metlerini Tañrıñuzuñ yalanlarsız yā ins, cin?
Çıḳar ikisinden incü bile mercān.
Ḳanḳı ni‘metlerini Tañrıñuzuñ yalanlarsız?
Daḫı anuñ ḳabżasındadur düzülmiş gemiler, deñizlerde ki yügürürler.
Yir üstinde olanlar barça fānī olurlar.
Daḫı bāḳī ḳalur Tañrınuñ ẕātı, heybet issi ve kerem ve iḥsān issi.
Ḳanḳı ni‘metlerini Tañrıñuzuñ yalanlarsız?
Ḥisāb‐içün size tükenecek yā ins ve cin.
Yā cinnīler cemā‘ati ve insler cemā‘ati, eger gücüñüz yiterse ḳaçmaġaeṭrāfından göklerüñ ve yirlerüñ, pes ḳaçuñuz. Ḳaçamazsız, illā ḳahr‐ıla.
Viribir Tañrı Ta‘ālā üstüñüze bir bölük oddan, daḫı erimiş baḳırdan. Size ḳur‐tarıcı bulunmaya.
Ḳaçan ki gökler yarıla, ḳızıl gül gibi ola.
Ol günde ṣorulmaz günāhdan ādemīler, ne daḫı cinnīler.
Biline yaman kişiler, mücrimler yüzleri siyāh ve gözleri mā’ī sīmāları‐y‐la bi‐linüp alınlarından ve ayaḳlarından ṭutarak cehenneme ya[...]
Anuñ herhangi bir ni‘metini inkār ider misiñiz?
Bu ol cehennemdür ki müc[rim]ler onı tekzīb iderler.
O mücrimler caḥīm ile ḥamīm beyninde sa‘y ve ṭavāf iderler.
Ey mücrimler, siz Allāhıñ hangi ni‘metlerini tekẕīb ve inkār idersiñiz?
Daḫı Rabbisiniñ ‘aẓamet ve ve maḳāmından ḳorḳanlar içün cennet‐i ‘Adn vecennet‐i Na‘īm vardır.
Ey ins ü cinn, Rabbiñiziñ hangi ni‘metlerini inkār ve tekẕīb idersiñiz?
Ol cennetde çoḳ aġaçlar vardır ki her dalları[nda] enva‘ dürlü mīveleri vardır.
Bu ni‘metleriñ hangilerini tekẕīb ve inkār idersiñiz?
Ol iki cennetde iki cārī çeşmeler vardır ki biri tesnīm digeri selsebīl.
Bu ni‘metleriñ hangisini tekẕīb ve inkār idersiñiz?
Ol iki cennetde iki dürlü mīveler vardır ki birisi dünyāda görülenler, digeri hīçgörülmemişdir.
Bu ni‘metleri nasıl inkār idersiñiz?
Allāhu Ta‘ālā ḫavf idenlere astārları yeşil dībādan muḥkem ve yüzleri nūrdanfirāşlar üzerine oturup cennetde istedikleri mīveden zaḥmetsiz yirler.
Bu ni‘metleriñ hangisini inkār idersiñiz?
Ol cennetde hūrīler vardır ki gözlerini zevceleri üzerlerine ḥaṣr itmişlerdür. Evvelce o ḥūrīlere ins ü cinn ṭaraflarından ṭoḳunulmamışdır.
Öyle ise siz Rabbiñiziñ hangi ni‘metini tekzīb idersiñiz?
Ol ḥūrīler beyażlıḳ ve ḳırmızılıḳda yākut ṣāf ve ḫāliṣ mercān gibidir.
Ssiz Rabbiñiziñ hangi ni‘metlerini tekzīb ider[siñiz]?
‘Amelde iḥsānıñ cezāsı ancaḳ ẟevāb‐ıla iḥsāndır.
Bu iḥsān ni‘metini naṣıl inkār idersiñiz?
Aṣḥāb‐ı yemīn içün iki cennet daha vardır.
Bu ni‘metleriñ hangisini inkār idersiñiz?
Ol iki cennetiñ yeşilliginde iki şiddet olmaġ‐ıla siyāha mā’ildir. Aṣḥāb‐ı yemīnemaḥṣūṣ cennetde her ni ‘met çoḳ ola.
Bu ni‘metleriñ hangisini inkār idersiñiz?
Ol iki cennetde ṣuları coşan ve ḫurūş iden iki bıñar vardır.
Bu ni‘metleriñ hangisini inkār idersiñiz?
O cennetde çoḳ mīve veyā bi’l‐ḫaṣṣa ḫurmā ve nār mīveleri ...
Siz Rabbiñiziñ hangi ni‘metlerini tekẕīb idersiñiz?
O cennetde [ ...] ḫaymeler içinde mesḫūre (?) ḥūrīler vardır.
Rabbiñiziñ hangi ni‘metlerini inkār idersiñiz?
Rabbiñiziñ hangi ni‘metlerini inkār idersiñiz?
Degmemişdür anlara özlerinden burun ne ins velā cin.
Ṭayanurlar yaşıl yasdıḳlar üzere, daḫı güzel ḥarīr döşekler üzere otururlar.
Yüceldi Tañrı Ta‘ālānuñ adı, heybet eyesi, fażl ve kerem eyesi. |