Ol melā’ikeler ḥaḳḳı‐çun ki kāfirler cānın güc‐ile alurlar.
Daḫı ol melā’ikeler ḥaḳḳı‐çun ki mü’minler cānın geñezlig‐ile alurlar.
Ve anlar ḥaḳḳı‐çun ki cānlar çıḳarmaḳda yüzerler deñizde yüzer gibi.
Mü’minler cānın cennete ve kāfirler cānın cehenneme tiz ileticiler ḥaḳḳı‐çun.
Her işi tedbīr idici melā’ikeler ḥaḳḳı‐çun.
Ḳıyāmet ḥaḳdur. Ol gün ki evvelki nefḫ‐i ṣūr olsa yirler ditreye, ṭaġlar atıla.
İkinci ardınca olan nefḫada gökler pārelene.
Yürekler ol günde ḳorḳuya düşe.
Gözler göge dikilüp ḳala.
Kāfirler eydürler ki: Biz ikinci dirilige dönüp dirilür mi‐y‐üz, çuḳurlara girdü‐gümüzden ṣoñra? dirler.
Ol vaḳt ki biz çürümiş süñükler olavuz.
Eyitdiler: Ol ikinci dirilmek ziyānlu kārdur, ya‘nī yalandur, didiler.
Ol dirilmek degüldür, illā bir kez emr olmaḳ.
Pes ol vaḳtda anlar maḥşer yirinde ḥāżır bulunalar.
Hīç saña geldi mi yā Muḥammed Mūsā ḫaberi?
Ol vaḳt ki aña nidā eyledi Tañrısı muḳaddes vādīde ki adı Ṭuvādur:
Var Fir‘avna git, didi. Ol azupdur, didi.
Aña eyit ki: Hīç senden meyl var mıdur küfrden arınmaġa?
Daḫı saña ben doġru yol göstereyim Tañrınuñ ma‘rifetine, tā ki andanḳorḳasın.
Pes gösterdi Mūsā aña ulu mu‘cizātı.
Pes yalanladı ve Mūsāya uymadı.
Andan idbār idüp sa‘y eyledi.
Pes ḫalḳı bir yire dirüp ḳıġırdı.
Ve eyitdi ki: Ben‐ven sizüñ ulu Tañrıñuz, didi.
Pes muḥkem dutup aldı anı Allāh, dünyā ve āḫiret ‘aẕābına bıraḳup ġarḳ ey‐ledi.
Taḥḳīḳ bunda vardur naṣīḥat ve ögüt ḳorḳan kimesneye.
Sizüñ yaratmaġuñuz mı güçdür, yā gökler yaratmaġı mı güçdür? Yapdı Allāhanı.
Ḳalıñlıġın yüceltdi ve anı düzdi.
Ve gicesin ḳarañuluḳ eyledi ve gündüzin āşikāre nūrlu ḳıldı.
Daḫı yirleri andan ṣoñra döşeyüp uzatdı.
Çıḳardı andan ṣularını ve otlaġını.
Daḫı ṭaġları ẟābit eyledi.
Size ma‘īşet olmaġ‐ıçun ve davarlaruñuza daḫı.
Pes ḳaçan gelse ulu dāhiye ki ḳıyāmetdür,
ol günde fikr ide ādem oġlanı işledügi işleri.
Daḫı cehennem ẓāhir ola gören kişilere.
Ammā ol kimse ki kāfir ola,
daḫı iḫtiyār eyleye āḫiret üstine dünyā dirligi[ni],
pes cehennem anuñ varacaḳ yiridür.
Ve ammā ol kimse ki Tañrısı ḥażretine durmaḳdan ḳorḳa ve nefsinihevādan ḳaytara,
pes cennet anuñ varacaḳ yiridür.
Ṣorarlar saña yā Muḥammed ki: Ḳıyāmet ne vaḳt ḳopar? dirler.
Sen anuñ vaḳtını bilmezsin bir nesne bile.
Anuñ ‘ilmi Tañrı Ta‘ālā ḳatındadur.
Sen degülsin, illā ögüt virici andan ḳorḳanlara.
Ṣanaṣın anları, anı gördükleri gün ḳuyularda ḳalmadılar, illā bir gice yā birgicenüñ ḳuşluġı.