ve ḳaçan ki ılduzlar yire ṣaçılsa,
daḫı ḳaçan ki deñizler biri birine aḳsa
ve ḳaçan ki sinler içinde olanlar ba‘ẟ olsa,
bile her nefs taḳdīm itdügi ‘ameli ve te’ḫīr itdügi ‘ameli.
Daḫı iy ādem oġlanı, ne nesne azdurdı seni göreyim Tañrıñdan?
Ol kim seni yaratdı, a‘żālaruñı düzetdi.
Ḳanḳı ṣūretde dilese seni terkīb eyledi.
Eyle degül. Bel ki yalanlarsız cezā günini.
Daḫı sizüñ üstüñüzde ṣaḳlayıcılar vardur.
Taḥḳīḳ yaḫşı kişiler ni‘metler içinde ḫoş geçürür.
Daḫı yaman kişiler cehennem içinde yanarlar.
Ne bildürdi saña ki yā Muḥammed ne nesnedür cezā güni?
Daḫı ne bildürür saña, cezā güni ne gündür ki
mālik olmaz bir nefs bir nefse bir nesne‐y‐ile ve buyruḳ ol günde barçası TañrıTa‘ālānuñdur.